ملائكيه!!
أحمرت خدودها لدرجة الحُمى و هى تعتصر ما تبقى من تماسك اعصابها لئلا تنفجر بالسُباب فى محدثها..
الكلمه..التى يعتبرها كل الناس حتى من امتهن السباب من فتوات و معددات..كلمة قبيحة جدا استقرت فوق شفتها السُفلى و ابت ان تنزلق الى احبال صوتها معلنة عن غضب جامح..لا يطفئه و لا يهدئ من بركانه الا هذه السُبه الحارقه
اختنقت بها..تمنت انفلاتها..فكرت فى مخرج لازمتها المتعصبه فلم تجد من منقذ الا اللغة الانجليزيه..
بل لمحت طيف ابتسامة من وجد ضالته تهيم من بعيييد بالقرب من ثغرها..
يااااااااه..لو اقول كل اللى نفسى فيه..!!ما هي تستاهل بنت ال.......آه.. الكلمه مخنوقه و خنقانى!!
ما هذا السجن اللغوى؟؟تسائلت!! ما هذا السجان القابع على بوابات افكارها التى تعدت اسوار الرفق من زمان الاوديسى
يعنى كل الانكار و الكذب و الخداع و التعالى اللى البت دى فيهم عادى كده؟؟طب و الله لازم تتشتم البنت ال..........آه..حلقى تأوه من لسع مسباتى اللاذعه..
هيا اخرجى و فكى قيود لسانى..هيا افصحى عن غضبى و التهامى لكل ثمار تربية امى لأعيُنى و افكارى..
طيب الانجليش..حتى تبقى شيك..و مش بعيد البنت البيئه دى ما تفهمهاش و اقول اللى نفسى فيه بدون حساب..ههههه..ضحكتها الخبيثه ايقظت دهاء كامن..
فكرت فى الكلمات الغربيه التى لا يعرفها الناس..و نظرت للفتاه..و لمحدثها نظره بريئه ملائكيه ثم ادعت الشرود و قالت...
شيت!!!
تعليقات
كنت اصلا داخلة على بلوجي ونسيت حرف فلقيتني هنا
بس بجد مبسوطة بالصدفة اللى جابتني هنا
:D
يكفي ان الاسم مشابه لاسم بلوجي وانا سعيدة بده جدا
هاجي تاني
مبدأيا بلوج جميل وبسيط
وانا بحب البساطة جدا
يا للصدف السعيده..
الله يكرمك على التعليق الحلو ده..
انا كمان بحب البساطه:)
bedon ta3leeq
ساعات مش علشان تربيتي ولا حاجه انما علشان مينفعش اشتم بنت مثلا بلفظ هي تستاهله صحيح انا ممكن اقوله لود تاني براحتي وميهمنيش بس لأنها بنت مبقدرش اقول اللفظ اللي كتير بيبقوا يستحقوه
وحتى حكاية شيت دي مبقتش تنفع من يوم ما اللمبي قالها في القيلم
هههههههههههههه
خفيف ودمه سكر البوست ده
سلااااااااااااااااااااااام
انا شايفة ان الشتايم شىء فطرى جداً...التعبير اللغوى عن الغضب والقرف...المسميات هى اللى هبلة...نفسى اناقش الموضوع ده بس منخجلة ههه